Hinrik valinn besti leikmaður Vestra

16.Mars'17 | 06:07

Síðastliðinn laugardag var lokahóf meistaraflokks Körfuknattleiksdeildar Vestra Hinrik Guðbjartssson var valinn besti leikmaður og Nökkvi Harðarson fékk viðurkenningu fyrir mestar framfarir. 

 

Hinrik Guðbjartsson, leikstjórnandi var valinn besti leikmaðurinn og hlaut hann einnig nafnbótina efnilegasti leikmaðurinn. Hinrik, sem er aðeins 21 árs gamall, sýndi í vetur að hann er meðal bestu leikstjórnenda 1. deildar og meðal efnilegustu leikstjórnenda landsins. Hinrik var með 16 stig, 3,5 fráköst og 2,8 stoðsendingar að meðaltali í leik á tímabilinu.

Nökkvi Harðarson fékk viðurkenningu fyrir mestar framfarir. Nökkvi varð fyrir því óláni að hljóta slæm höfuðmeiðsl á miðju tímabili en lét það þó ekki stoppa sig og kom gríðarlega sterkur inn í seinni hluta mótsins. Það sést vel á því að í fjórum af síðustu sex leikjum deildarinnar var hann með yfir 10 stig auk þess að vera tvisvar með tvennu (yfir 10 stig og 10 fráköst).

Við hjá Grindavik.net óskum þeim félögum til hamingju með frábæran árangur 

Af heimasíðu Íþróttafélagið Vestri