Ingvi Þór í U20 landsliði karla

14.Júní'17 | 12:58

Búið er að velja lokahóp U20 landsliðs karla fyrir sumarið en framundan er eitt stærsta verkefni yngri landsliða KKÍ frá upphafi þegar þeir fara á lokamót EM, A-deild U20 liða, í fyrsta sinn í íslenskri körfuboltasögu. Grindvíkingurinn Ingvi Þór Guðmundsson er í hópnum.

 

Strákarnir hafa verið við æfingar að undanförnu og var hluti þeirra einnig í landsliði karla á Smáþjóðaleikunum í byrjun júní. 

Næsta verkefni þeirra verður U20-mót sem fram fer hér á landi dagana 19.-21. júní í Laugardalshöllinni. Þá koma hingað U20 lið Svía, Finna og Ísraels.

Leikinir verða tveir leikir á dag, kl. 17:00 og 20:00 og mun Ísland alltaf leika í seinni leik dagsins. Mótið verður kynnt áfram næstu daga.

Að lokum fara þeir fyrr af stað á EM til Krítar, en gríska sambandið bauð okkur að taka þátt í æfingamóti fyrir EM, ásamt Spánverjum, Ítölum og heimamönnum Grikkjum.

Sannarlega spennandi sumar framundan með mörgum af framtíðar leikmönunum Íslands innanborðs. KKI.IS